മധ്യപ്രദേശിലെ ഛത്തർപുരിൽ ഓട്ടോ ട്രക്കിലിടിച്ച് ഏഴുപേര്‍ മരിച്ചു. നിർത്തിയിട്ടിരുന്ന ട്രക്കിൽ ഓട്ടോ റിക്ഷ ഇടിച്ചാണ് അപകടമുണ്ടായത്. ആറു പേർക്ക് പരുക്കേറ്റിട്ടുണ്ട്. ഇതിൽ മൂന്നു പേരുടെ നില ഗുരുതരമാണ്. ചൊവ്വാഴ്ച രാവിലെയാണ് സംഭവം. പതിമൂന്ന് പേരാണ് ഓട്ടോ റിക്ഷയിലുണ്ടായിരുന്നത്. ഉത്തർ പ്രദേശിലെ മഥുരയിൽ നിന്ന് ഛത്തർപുരിലെ ബാഗേശ്വർ ധാമിലേക്കുള്ള യാത്രയിലായിരുന്നു ഇവർ. ഓട്ടോ റിക്ഷ ഡ്രൈവറും ഒരു വയസുള്ള പെൺകുട്ടിയും ഒരു സ്ത്രീയും ഉൾപ്പെടെയുള്ളവരാണ് അപകടത്തില്‍ മരിച്ചത്.
നിര്‍ത്തിയിട്ടിരുന്ന ട്രക്കിലേക്ക് ഓട്ടോ ഇടിച്ചുകയറി; ഏഴ് മ രണം
