തിരുവല്ല കച്ചേരിപ്പടിയിൽ നിയന്ത്രണം വിട്ട ബൈക്ക് മതിലിൽ ഇടിച്ചു രണ്ട് യുവാക്കൾ മരിച്ചു. ഒരാൾക്ക് ഗുരുതരമായി പരിക്കേറ്റു. തിരുവല്ല മഞ്ഞാടി സ്വദേശികളായ വിഷ്ണു ഉണ്ണികൃഷ്ണൻ, ആസിഫ് അർഷാദ് എന്നിവരാണ് മരിച്ചത്. മഞ്ഞാടി സ്വദേശി അരുൺ എന്നയാൾക്കാണ് ഗുരുതര പരിക്കേറ്റത്.
കച്ചേരിപ്പടി ജങ്ഷനില്‍ ഇന്ന് പുലർച്ചെ മൂന്ന് മണിയോടെയാണ് അപകടം. താലൂക്ക് ആശുപത്രി ഭാഗത്തു നിന്നു അമിത വേഗത്തിലെത്തിയ വാഹനം നിയന്ത്രണം വിട്ട് മതലിൽ ഇടിച്ചു കയറുകയായിരുന്നു.
തലയ്ക്ക് ഗുരുതര പരിക്കേറ്റ വിഷ്ണുവും ആസിഫും തത്ക്ഷണം മരിച്ചു. അരുണിനെ തിരുവല്ലയിലെ സ്വകാര്യ ആശുപത്രിയിലേക്ക് മാറ്റി. വിഷ്ണുവിന്റേയും ആസിഫിന്റേയും മൃതദേഹങ്ങൾ മോർച്ചറിയിലേക്ക് മാറ്റി.
English Summary:The bike hit the wall; Two youths died in Thiruvalla
You may also like this video
