ഇടുക്കി തൊടുപുഴയിലെ പുഴയില്‍ കാണാതായ വയോധികന്റെ മൃതദേഹം കണ്ടെത്തി. ഇടവെട്ടി തോട്ടക്കരയില്‍ (ചീങ്കല്ലേല്‍) കെ.ആര്‍.നാരായണന്‍ നായരുടെ (89) മൃതദേഹമാണ് കണ്ടെത്തിയത്. റിട്ട കെഎസ്ആര്‍ടിസി ഡ്രൈവറായിരുന്നു. ചൊവ്വാഴ്ച രാത്രിയാണ് തൊടുപുഴ ശ്രീകൃഷ്ണ സ്വാമി ക്ഷേത്രത്തിനു സമീപത്തെ കടവില്‍ നിന്നും തൊടുപുഴയാറ്റില്‍ നാരായണന്‍നായരെ കാണാതാകുന്നത്.
ബന്ധുക്കള്‍ നടത്തിയ പരിശോധനയില്‍ ക്ഷേത്രക്കടവില്‍ നിന്നും വസ്ത്രങ്ങളും മൊബൈല്‍ ഫോണു കണ്ടെടുത്തു. തുടര്‍ന്ന് പൊലീസിനെയും ഫയര്‍ഫോഴ്‌സിനെയും വിവരമറിയിക്കുകയായിരുന്നു. ഇന്നലെ രാവിലെ സ്‌കൂബാ ടീം നടത്തിയ തെരച്ചിലില്‍ വെങ്ങല്ലൂര്‍ ഭാഗത്തു നിന്നും മൃതദേഹം കണ്ടെത്തുകയായിരുന്നു. സംസ്‌കാരം ഇന്ന് 11ന് വീട്ടുവളപ്പില്‍. ഭാര്യ പൊന്നമ്മ വളയനാല്‍ കുടുംബാംഗം. മക്കള്‍: രാജി, മനോജ്, പരേതനായ വിനോദ്. മരുമക്കള്‍ സുദര്‍ശന്‍, പ്രസീത.
English Summary;The body of a missing elderly man was found in the river in Thodupuzha
You may also like this video
