യുപിയില്‍ വിവാഹ ചടങ്ങിനിടെ വധുവിനെ കാമുകന്‍ വെടിവച്ച് കൊലപ്പെടുത്തി. മഥുര നൗജീല്‍ മേഖലയിലെ മുബാരിക്പുര്‍ ഗ്രാമത്തിലാണ് സംഭവം. വിവാഹത്തിനിടെ ജയ്മാല ചടങ്ങ് അവസാനിച്ചതിനു തൊട്ടുപിന്നാലെയാണ് വധുവായ കാജല്‍ വെടിയേറ്റ് കൊല്ലപ്പെടുന്നത്. യുവതിയും പ്രതിയും നേരത്തെ അടുപ്പത്തിലായിരുന്നു.
എന്നാല്‍ പ്രതിയുമായി അകന്ന കാജല്‍ മറ്റൊരാളെ വിവാഹം കഴിക്കാന്‍ തയ്യാറെടുക്കുകയായിരുന്നു. ഇതില്‍ പ്രകോപിതനായാണ് പ്രതി കൊല നടത്തിയതെന്ന് പൊലീസ് പറയുന്നു. ചടങ്ങിനു ശേഷം ഫ്രഷ് ആകാൻ മുറിയിലേക്കു പോയപ്പോഴാണ് കാമുകൻ എത്തി വെടിയുതിര്‍ത്തത്. വെടിയൊച്ച കേട്ട് ഓടിയെത്തിയ വീട്ടുകാരും ബന്ധുക്കളുമാണ് പെണ്‍കുട്ടിയെ മരിച്ച നിലയില്‍ കണ്ടെത്തിയത്.
English Summary:The bride was shot dead by her boyfriend during the wedding ceremony
You may also like this video
