ഓടിക്കൊണ്ടിരുന്ന സ്കൂട്ടറിലേക്ക് കാര്‍ ഇടിച്ചുകയറി. ഇടിയുടെ ആഘാതത്തില്‍ സ്കൂട്ടര്‍ പൂര്‍ണമായി തകര്‍ന്നു. യുവതിയാണ് സ്കൂട്ടര്‍ ഓടിച്ചിരുന്നത്. ഹരിയാനയിലെ ഫത്തേഹാബാദിലാണ് സംഭവം. യുവതി ഓടിച്ച സ്കൂട്ടറിനെ കാർ ഇടിച്ചു വീഴ്ത്തുന്ന രംഗം സിസിടിവി ക്യാമറയില്‍ പതിഞ്ഞു. യുവതിയെ ഇടിച്ചിട്ട ശേഷം കാർ ഡ്രൈവർ ഓടി രക്ഷപ്പെട്ടു. സാരമായി പരിക്കേറ്റ യുവതിയുടെ നില ഗുരുതരമായി തുടരുകയാണ്. സമീപവാസികളാണ് പരിക്കേറ്റ യുവതിയെ ആശുപത്രിയിലെത്തിച്ചത്. യൂ ടേണ്‍ എടുക്കുന്നതിനിടെയാണ് സ്കൂട്ടറിനെ എതിരെ വന്ന കാര്‍ ഇടിച്ചിട്ടത്. പിന്നാലെ കാര്‍ ഓടിച്ചിരുന്നയാള്‍ രക്ഷപ്പെട്ടിരുന്നു. ഓടിപ്പോയ ഡ്രൈവറെ കണ്ടെത്താനുള്ള ശ്രമത്തിലാണ് പൊലീസ്.
English Summary:The car sped up to the scooter; Woman in critical condition, CCTV footage
You may also like this video
