പൊലീസ് ഉദ്യോഗസ്ഥരെ കയ്യേറ്റം ചെയ്ത കേസ്; ഡീൻ കുര്യാക്കോസ് എംപിക്കെതിരെ അറസ്റ്റ് വാറന്റ്

ഷൊർണൂർ പൊലീസ് രജിസ്റ്റർ ചെയ്ത ക്രിമിനൽ കേസിൽ കോടതിയിൽ ഹാജരാകാത്തതിനെത്തുടർന്ന് ഡീൻ കുര്യാക്കോസ് എംപിക്ക് എതിരെ അറസ്റ്റ് വാറന്റ്. ഒറ്റപ്പാലം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയുടേതാണ് ഉത്തരവ്. 2018ൽ റോഡ് ഉപരോധത്തിനിടെ പൊലീസ് ഉദ്യോഗസ്ഥരെ മർദ്ദിച്ചു എന്നതാണ് കേസ്. നിരന്തരമായി കോടതിയിൽ ഹാജരാകാതിരുന്നതിനെത്തുടർന്നാണ് എംപിയെ അറസ്റ്റ് ചെയ്ത് ഹാജരാക്കാൻ കോടതി നിർദ്ദേശിച്ചത്. ഫെബ്രുവരി രണ്ടിന് കേസ് കോടതി വീണ്ടും പരിഗണിക്കും.