നഴ്സിംങ് പഠനരംഗത്തും,റിക്രൂട്ടിംങ് രംഗത്തും ശ്രദ്ധേയമായ ഇടപെടലുകളാണ് സംസ്ഥാന സര്‍ക്കാര്‍ നടത്തുന്നതെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു.എറണാകുളം ഗവ നഴ്സിങ് സ്കൂൾ ശതാബ്ദി ആഘോഷം ശതസ്മൃതി ഉദ്ഘാടനം ചെയ്യുകയായിരുന്നു അദ്ദേഹം. ആശുപത്രി സംരംഭങ്ങളുമായി ബന്ധപ്പെട്ട് ലോകത്തിന്റെ ഏതുഭാഗത്തും ആദ്യം തേടുന്നത് മലയാളി നഴ്സുമാരെയാണെന്നും അദ്ദേഹം അഭിപ്രായപ്പെട്ടു.
ചരിത്രത്തിലാദ്യമായി സർക്കാർ, സർക്കാർ അനുബന്ധ മേഖലകളിൽമാത്രം ഈ വർഷം 1020 ബിഎസ്‌സി നഴ്സിങ് സീറ്റുകൾ പുതുതായി വർധിപ്പിച്ചു.ഇതോടെ സർക്കാർ, സർക്കാർനിയന്ത്രിത മേഖലകളിലെ മെറിറ്റ് സീറ്റുകളുടെ എണ്ണം 5627 ആയി. സീറ്റ് ഇനിയും വർധിപ്പിക്കും.
പുറംനാടുകളിൽ ജോലി തേടി പോകുന്ന നഴ്സുമാർക്ക് അവിടത്തെ ഭാഷ പരിചയപ്പെടുത്താൻ കോഴ്സുകൾ സംഘടിപ്പിക്കും. ഇതിനായി വിവിധ രാജ്യങ്ങളുമായും ഏജൻസികളുമായും ചർച്ചകൾ നടക്കുകയാണെന്നും മുഖ്യമന്ത്രി പറഞ്ഞു.ചടങ്ങിൽ അധ്യക്ഷയായ ആരോഗ്യമന്ത്രി വീണാ ജോർജ് സുവനീർ പ്രകാശിപ്പിച്ചു. മേയർ എം അനിൽകുമാർ സുവനീർ ഏറ്റുവാങ്ങി.
English Summary:
The Chief Minister said that the government is making significant interventions in the field of nursing studies and recruitment
You may also like this video:
