എതിര്സ്വരങ്ങളെ അടിച്ചമര്ത്തിയും, ഫെഡറലിസത്തെ കാറ്റില്പ്പറത്തിയും മുന്നോട്ട് പോവുകയാണ് രാജ്യം ഭരിക്കുന്ന സംഘ് പരിവാര് ശക്തികളെന്ന് മുഖ്യമന്ത്രി പിണറായി വിജയന് അഭിപ്രായപ്പെട്ടു. ഇന്ത്യയുടെ മതനിരപേക്ഷ മനഃസാക്ഷിയെ അപകടത്തിലാക്കിക്കൊണ്ട് വര്ഗീയാതിക്രമങ്ങളും നാടുനീളെ അഴിച്ചുവിടുന്നു. ഇതിനെതിരെ രാജ്യത്തെ ജനാധിപത്യ, മതനിരപേക്ഷ വാദികള് ഒറ്റക്കെട്ടായി പ്രതിരോധമുയര്ത്തേണ്ടതുണ്ട്. ഈ അംബേദ്കര് ജയന്തി ജനകീയ ജനാധിപത്യ ഇന്ത്യക്കായുള്ള സമരമുന്നേറ്റങ്ങള്ക്ക് കരുത്തേകട്ടെ.പിണറായി വിജയന് പ്രത്യാശ പ്രകടിപ്പിച്ചു.
ജനാധിപത്യ ഭരണഘടനാ മൂല്യങ്ങള് വലിയ വെല്ലുവിളികള് നേരിടുന്ന കാലമാണിതെന്നും അദ്ദേഹം പറഞ്ഞു.വിവേചനങ്ങളും അടിച്ചമര്ത്തലുകളുമില്ലാത്ത ചൂഷണരഹിത ലോകം യാഥാര്ഥ്യമാക്കാനായി തന്റെ ജീവിതം തന്നെയുഴിഞ്ഞുവെച്ച ചരിത്ര വ്യക്തിത്വമാണ് ഡോ. ബി ആര് അംബേദ്കറിന്റേത്. ജാതിവ്യവസ്ഥ തീര്ത്ത അനാചാരങ്ങള്ക്കും ഉച്ചനീച്ചത്വങ്ങള്ക്കുമെതിരെ അധഃകൃത ജനവിഭാഗങ്ങളെ അണിനിരത്തിയ അംബേദ്കറിന്റെ സമരവീര്യം ഏവര്ക്കും പ്രചോദനമേകുന്നതാണ്. സാമൂഹിക നീതിയിലും തുല്യ പരിരക്ഷയിലുമൂന്നുന്ന നമ്മുടെ ഭരണഘടനക്ക് രൂപം കൊടുക്കുന്നതിനും അദ്ദേഹം നേതൃത്വം നല്കി മുഖ്യമന്ത്രി അഭിപ്രായപ്പെട്ടു.
വിവേചനങ്ങളും അടിച്ചമര്ത്തലുകളുമില്ലാത്ത ചൂഷണരഹിത ലോകം യാഥാര്ഥ്യമാക്കാനായി തന്റെ ജീവിതം തന്നെയുഴിഞ്ഞുവെച്ച ചരിത്ര വ്യക്തിത്വമാണ് ഡോ. ബി ആര് അംബേദ്കറിന്റേത്. ജാതിവ്യവസ്ഥ തീര്ത്ത അനാചാരങ്ങള്ക്കും ഉച്ചനീച്ചത്വങ്ങള്ക്കുമെതിരെ അധഃകൃത ജനവിഭാഗങ്ങളെ അണിനിരത്തിയ അംബേദ്കറിന്റെ സമരവീര്യം ഏവര്ക്കും പ്രചോദനമേകുന്നതാണെന്നും അംബേദ്കര് ജയന്തി ദിനത്തില് അദ്ദേഹത്തെ അനുസ്മരിച്ച് മുഖ്യമന്ത്രി ഫെയ്സ്ബുക്കില് കുറിച്ചു.