കരിമലപുഴയിൽ കാട്ടാനക്കുട്ടിയുടെ അഴുകിയ ജഡം കണ്ടെത്തി

പാലക്കയം മുണ്ടനാട് കരിമലപുഴയിൽ കാട്ടാനക്കുട്ടിയുടെ അഴുകിയ ജഡം കണ്ടെത്തി. തിങ്കളാഴ്ച്ച വൈകീട്ടാണ് സംഭവം. പരിശോധന നടത്തുന്നതിനിടെ വനം വകുപ്പ് ഉദ്യോഗസ്ഥരാണ് വെള്ളത്തിൽ ഒഴുകിയെത്തിയ നിലയിൽ കാട്ടാനക്കുട്ടിയുടെ ജഡം കാണ്ടത്. ജഡത്തിന് ദിവസങ്ങളുടെ പഴക്കമുള്ളതായി കരുതുന്നു. ചൊവ്വാഴ്‌ച്ച രാവിലെ നടക്കുന്ന വിശദ പരിശോധനകൾക്കും പോസ്റ്റ് മോർട്ടത്തിനും ശേഷം കൂടുതൽ വിശദാംശങ്ങൾ അറിയാൻ കഴിയുമെന്ന് റേഞ്ച് ഫോറസ്റ്റ് ഓഫീസർ എം സുബൈർ പറഞ്ഞു.