നീറ്റ് പി ജി പ്രവേശന നടപടികള്‍ വൈകുന്നതിനെതിരെ തുടര്‍ന്ന സമരം ഡോക്ടര്‍മാര്‍ പിന്‍വലിച്ചു. ഫെഡറേഷന്‍ ഓഫ് റസിഡന്റ് ഢോക്ടേഴ്‌സ് അസോസിയേഷനും മറ്റ് സംഘടനകളും സംയുക്തമായാണ് സമരത്തില്‍ നിന്നും പിന്‍മാറാനുള്ള തീരുമാനം എടുത്തത്.
സമരവുമായി ബന്ധപ്പെട്ട് ഡോക്ടര്‍മാര്‍ക്ക് എതിരെ രജിസ്റ്റര്‍ ചെയ്ത എഫ്ഐആറുകള്‍ ഡല്‍ഹി പൊലീസ് പിന്‍വലിക്കും. ഇത് സംബന്ധിച്ച് ഫോര്‍ഡ നേതാക്കളും ഡല്‍ഹി പൊലീസ് ജോയിന്റ് കമ്മീഷണറുമായി നടത്തിയ ചര്‍ച്ചയില്‍ ധാരണയായി. പിജി പ്രവേശനത്തിനുള്ള കൗണ്‍സിലിങ്ങ് സുപ്രീം കോടതി കേസ് പരിഗണിക്കുന്ന ജനുവരി ആറിന് തീരുമാനമാകുമെന്ന ഉറപ്പ് സര്‍ക്കാരിന്‍ നിന്നും ലഭിച്ചിട്ടുണ്ടെന്നും ഫോര്‍ഡ പ്രസിഡന്റ് ഡോ മനീഷ് കുമാര്‍ വ്യക്തമാക്കി.
english summary; The doctors’ strike was called off
you may also like this video;
