കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ ഹെലികോപ്റ്ററിൽ തെരഞ്ഞെടുപ്പ് ഉദ്യോഗസ്ഥർ പരിശോധന നടത്തി. ഇന്നലെ ബീഹാറിലെ സമസ്തിപൂരിൽ വച്ചായിരുന്നു പരിശോധന നടത്തിയത്. നേരത്തെ കോൺഗ്രസ് നേതാവ് രാഹുൽ ഗാന്ധിയുടെ ഹെലികോപ്റ്ററിലും സമാനമായ രീതിയിൽ പരിശോധന നടത്തിയത്.
തെരഞ്ഞെടുപ്പ് കമ്മീഷന്റെ സമീപനം ദുരുദ്ദേശപരമാണെന്നും പ്രതിപക്ഷ നേതാക്കളെ മാത്രമാണ് തെരഞ്ഞെടുപ്പ് കമീഷൻ ലക്ഷ്യമിടുന്നതെന്ന് കോൺഗ്രസ് ആരോപിച്ചു. കോൺഗ്രസ് നേതാക്കളെ ഇത്തരത്തിൽ പരിശോധിക്കുന്നത് പതിവാണെന്നും എൻഡിഎയുടെ ഉന്നത നേതാക്കളുടെ ഹെലികോപ്റ്ററുകളിൽ പരിശോധന നടന്നിട്ടില്ലെന്നും കോൺഗ്രസ് നേതാക്കൾ പറഞ്ഞു.
English Summary:The election officials inspected Kharge’s helicopter