പാർടിയിലെ പ്രശ്‌നം പരിഹരിക്കാനും ലോക്‌സഭാ തെരഞ്ഞെടുപ്പിനുമായി കോൺഗ്രസിൽ എംപവർ കമ്മിറ്റിക്ക്‌ രൂപം നൽകി അധ്യക്ഷ സോണിയ ഗാന്ധി. കമ്മിറ്റിയുടെ ഘടന, അംഗങ്ങൾ, അധികാരം തുടങ്ങിയ വിശദാംശം പിന്നീട്‌ പുറത്തുവിടും. തെരഞ്ഞെടുപ്പ്‌ തന്ത്രജ്ഞൻ പ്രശാന്ത്‌ കിഷോറിന്റെ നിർദേശം പഠിച്ച എട്ടംഗ സമിതി ശുപാർശ പ്രകാരമാണിത്‌.
പി ചിദംബരം, അംബിക സോണി, പ്രിയങ്ക ഗാന്ധി, ദിഗ്‌വിജയ്‌ സിങ്‌, ജയ്‌റാം രമേശ്‌, മുകുൾ വാസ്‌നിക്, കെ സി വേണുഗോപാൽ, രൺദേവ് സുർജേവാല എന്നിവരടങ്ങിയ സമിതിയാണ്‌ ശുപാർശ നൽകിയത്‌
പ്രശാന്ത്‌ കിഷോറിന്റെ ഭൂരിഭാഗം നിർദേശവും സമിതി അംഗീകരിച്ചു. മെയ്‌ 13 മുതൽ 15 വരെ രാജസ്ഥാനിലെ ഉദയ്‌പുരിൽ ചിന്തൻ ശിബിർ സംഘടിപ്പിക്കും. 400 പ്രതിനിധികൾ പങ്കെടുക്കുന്ന ശിബിരത്തിൽ നിർണായക തീരുമാനമുണ്ടാകുമെന്ന്‌ വക്താവ്‌ രൺദേവ് സുർജേവാല പറഞ്ഞു.
English Summary:The Empower Committee was formed in Congress
You may also like this video:
