ചർച്ചകളിലൂടെ മാത്രമേ തന്റെ രാജ്യത്ത് യുദ്ധം അവസാനിക്കുകയുള്ളൂവെന്ന് ഉക്രെയ്ൻ പ്രസിഡന്റ് വ്‍ളാദിമര്‍ സെലെൻസ്‍കി. എന്നാല്‍ ചർച്ചകൾ പരാജയപ്പെട്ടാൽ, അത് മൂന്നാം ലോക മഹായുദ്ധത്തിലേക്ക് നയിക്കുമെന്നും സെലന്‍സ്‍കി മുന്നറിയിപ്പ് നല‍്‍കി.
മരിയുപോളിലും മറ്റിടങ്ങളിലും പൗരന്‍മാര്‍ക്കെതിരായ ആക്രമണങ്ങളുടെ പശ്ചാത്തലത്തിൽ റഷ്യൻ പ്രസിഡന്റ് വ്‍ളാദിമിര്‍ പുടിനുമായി ചർച്ചയ്ക്ക് തയ്യാറാണോയെന്നെ മാധ്യമപ്രവര്‍ത്തകരുടെ ചോദ്യത്തിനു മറുപടി പറയുകയായിരുന്നു അദ്ദേഹം.
ഞാൻ ചർച്ചകൾക്ക് തയാറാണ്. കഴിഞ്ഞ രണ്ട് വർഷമായി ഞാൻ തയ്യാറായിരുന്നു. ചർച്ചകളില്ലാതെ നമുക്ക് ഈ യുദ്ധം അവസാനിപ്പിക്കാൻ കഴിയില്ല, ”സെലെൻസ്‍കി പറഞ്ഞു. ചര്‍ച്ചകള്‍ ഗൗരവമേറിയതല്ലെന്ന് കരുതുന്നവര്‍ക്ക് ഇത് എത്രത്തോളം വിലപ്പെട്ടതാണന്ന് മനസിലാകില്ല.
യുദ്ധം അവസാനിപ്പിക്കാനുള്ള ചെറിയ അവസരങ്ങള്‍ പോലും ഉക്രെയ്‍ന്‍ പ്രയോജനപ്പെടുത്തുമെന്നും സെലന്‍സ്‍കി കൂട്ടിച്ചേര്‍ത്തു. ചര്‍ച്ചകളുടെ ഫലങ്ങളെക്കുറിച്ച് തനിക്ക് പ്രവചിക്കാനാകില്ല. പക്ഷേ പ്രതിദിനം നിരപരാധികളായ ജനങ്ങള്‍ക്ക് ജീവന്‍ നഷ്ടപ്പെടുകയാണെന്നും അദ്ദേഹം പറഞ്ഞു. ഉക്രെയ്നെ പൂര്‍ണമായി നശിപ്പിക്കുകയാണ് റഷ്യയുടെ ലക്ഷ്യമെന്നും സെലന്‍സ്‍കി ആരോപിച്ചു.
english summary;The failure of the negotiations would lead to World War III
you may also like this video;
