രോഗികളെ പരിശോധിക്കവെ വ്യാജഡോക്ടര്‍ പിടിയിലായി. തൃശൂരിലെ നെടുപുഴയിലാണ് വ്യാജ വനിതാ ഡോക്ടർ അറസ്റ്റിലായത്. പാലക്കാട് ശ്രീകൃഷ്ണപുരം സ്വദേശി ജയലളിതയെയാണ് പിടികൂടിയത്. നെടുപുഴ വട്ടപ്പൊന്നി പ്രാഥമികാരോഗ്യ കേന്ദ്രത്തിൽ ഡോക്ടറാണെന്ന് സ്വയം പരിചയപ്പെടുത്തി രോഗികളെ പരിശോധിക്കാൻ തുടങ്ങുകയായിരുന്നു ഇവര്‍. സംശയം തോന്നിയ ജീവനക്കാർ പൊലീസിൽ വിവരമറിയിച്ചതോടെയാണ് ജയലളിത കുടുങ്ങിയത്. പൊലീസ് എത്തി ചോദ്യം ചെയ്തതോടെയാണ് കള്ളിവെളിച്ചത്തായത്. ഹോംനഴ്സായി ജോലി ചെയ്യുകയായിരുന്നു ഇവര്‍. കൂടുതൽ പണമുണ്ടാക്കാനാണ് ഡോക്ടറുടെ വേഷം കെട്ടിയതെന്നും ഇവര്‍ പൊലീസിനോട് പറഞ്ഞു.
English Summary: The fake doctor was arrested while examining the patients
You may like this video also
