വീട്ടുകാരുടെ എതിര്‍പ്പിനെ തുടര്‍ന്ന് വിവാഹത്തില്‍ നിന്ന് പിന്മാറിയ ദേഷ്യത്തില്‍ കാമുകിയെ കാമുകന്‍ കുത്തിക്കൊന്നു.ബംഗളൂരുവിലെ മുരുകേഷ് പല്യയിലാണ് സംഭവം. 28 കാരനായ ദിനകർ ബനാലയാണ് 25കാരിയായ ലീല പവിത്രയെന്ന യുവതിയെ കുത്തിക്കൊലപ്പെടുത്തിയത്. ഇരുവരും ആന്ധ്രപ്രദേശ് സ്വദേശികളാണ്. ഇരുവരും ബെംഗളൂരുവിൽ ഹെൽത്ത് കെയർ കമ്പനികളിൽ ജോലി ചെയ്തു വരികയായിരുന്നു.
വ്യത്യസ്ത ജാതിയായതിനാൽ ലീല പവിത്രയുടെ വീട്ടുകാർ വിവാഹത്തിന് സമ്മതിച്ചില്ല. ചൊവ്വാഴ്ച്ച വൈകുന്നേരമാണ് സംഭവം. യുവതി ജോലി ചെയ്യുന്ന സ്ഥാപനത്തിന് മുന്നിലെത്തി ലീലയെ കാത്തുനിന്നു. ജോലി കഴിഞ്ഞിറങ്ങിയതോടെ ഇരുവരും തമ്മിൽ വാക്കേറ്റമുണ്ടായി. ഒടുവിൽ കയ്യിൽ കരുതിയിരുന്ന കത്തി ഉപയോഗിച്ച് യുവാവ് യുവതിയെ കുത്തിക്കൊലപ്പെടുത്തുകയായിരുന്നു. ആൾക്കൂട്ടത്തിന് നടുവിലിട്ട് 16 തവണ കുത്തിയതായി പൊലീസ് പറയുന്നു. സംഭവം അറിഞ്ഞയുടനെ പൊലീസ് സ്ഥലത്തെത്തിയെങ്കിലും യുവതിയെ രക്ഷിക്കാനായില്ല.
English Summary: The family’s opposition forced the young woman to withdraw from the marriage; The boyfriend stabbed his girlfriend to death
You may also like this video:
