കരടിയുടെ മുന്നില്‍പ്പെട്ട കര്‍ഷകന്‍ അത്ഭുതകരമായി രക്ഷപെട്ടു. വണ്ടിപ്പെരിയാര്‍ വള്ളക്കടവ് കുന്നത്ത് പതിയില്‍ സിബിയാണ് കരടിയുടെ മുന്നില്‍ നിന്ന് തലനാരിഴയ്ക്ക് രക്ഷപ്പെത്. വ്യാഴാഴ്ച രാത്രി 9.30 ഓടെ വണ്ടിപ്പെരിയാര്‍ ‚വളളക്കടവ് റോഡില്‍ അമ്പലപ്പടിക്ക് സമീപം താമസിക്കുന്ന സിബി വീട്ടിലെ വളര്‍ത്തു നായ്ക്കള്‍ കുരക്കുന്നത് കേട്ട് വെളിച്ചവുമായി റോഡിലേയ്ക്ക് ഇറങ്ങിയപ്പോഴാണ് കരടിയെ കണ്ടത്.
സിബിയുടെ നേരെ റോഡരുകില്‍ നിന്നിരുന്ന വലിയ കരടി പാഞ്ഞടുത്തു. എന്നാല്‍ സിബി കൈയിലുണ്ടായിരുന്ന ടോര്‍ച്ച് കരടിയുടെ മുഖത്തേയ്ക്ക് തെളിക്കുകയും ബഹളം വയ്ക്കുകയും ചെയ്തതോടെ കരടി റോഡില്‍ നിന്നും പെരിയാര്‍ നദിയുടെ സമീപത്തേക്ക് ഓടി മറഞ്ഞു. പ്രാണരക്ഷാര്‍ത്ഥം സിബി വീടിനുള്ളില്‍ ഓടിക്കയറി.
English Summary:The farmer escaped from the bear
You may also like this video
