മധ്യപ്രദേശിലെ ഇൻഡോർ ജില്ലയിൽ രണ്ടാം ഭാര്യയുമായുള്ള തർക്കത്തെ തുടർന്ന് ഏഴ് വയസ്സുള്ള മകനെ പിതാവ് കൊലപ്പെടുത്തി. ഇന്‍ഡോറിലെ തേജാജി നഗർ പൊലീസ് സ്റ്റേഷൻ പരിധിയിലെ ലിംബോഡി പ്രദേശത്താണ് സംഭവം. പ്രതീക് മുണ്ടെ എന്ന കുട്ടിയാണ് മരിച്ചത്. സംഭവത്തില്‍ കുട്ടിയുടെ പിതാവും പ്രതിയുമായ ശശിപാൽ മുണ്ടെ (26)യെ കണ്ടുകിട്ടിയിട്ടില്ലെന്നും ഇയാള്‍ക്കായി തിരച്ചില്‍ തുടരുകയാണെന്നും പൊലീസ് പറഞ്ഞു.
പ്രതീകിനെ ചൊല്ലി ശശിപാലും രണ്ടാം ഭാര്യയും വഴക്കിടാറുണ്ടെന്ന് ബന്ധു വെളിപ്പെടുത്തി. തിങ്കളാഴ്ച രാവിലെ മുത്തശ്ശിയാണ് പ്രതീകിനെ അബോധാവസ്ഥയില്‍ കണ്ടെത്തിയത്. തുടര്‍ന്ന് ആശുപത്രിയിലെത്തിച്ചെങ്കിലും മരിച്ചതായി ഡോക്ടര്‍മാര്‍ സ്ഥിരീകരിച്ചു.
കഴുത്ത് ഞെരിച്ചാണ് പ്രതീകിനെ കൊലപ്പെടുത്തിയതെന്നും കുട്ടിക്ക് മര്‍ദ്ദനമേറ്റിരുന്നതായും പ്രാഥമിക അന്വേഷണത്തിൽ തെളിഞ്ഞതായും പൊലീസ് പറഞ്ഞു. ബന്ധുക്കളുടെ മൊഴിയുടെ അടിസ്ഥാനത്തിൽ സംഭവത്തിൽ പൊലീസ് കേസ് രജിസ്റ്റർ ചെയ്തിട്ടുണ്ട്.
English Summary: The father killed his seven-year-old son after an argument with his second wife
You may also like this video
