ടെലിവിഷന്‍ താരം തുനീഷ ശര്‍മ (20) ആത്മഹത്യ ചെയ്തു. മുംബൈയില്‍ ഇവരുടെ ടിവി ഷോയുടെ സെറ്റില്‍ വെച്ചാണ് ഇവര്‍ ആത്മഹത്യ ചെയ്തത്. ഇവരുടെ സഹപ്രവര്‍ത്തകന്‍ ഷീസാന്‍ മുഹമ്മദ് ഖാന്റെ മേക്കപ്പ് റൂമിലായിരുന്നു നടിയെന്നാണ് സൂചന. ഷീസാന്‍ ഷോട്ടിന് ശേഷം മടങ്ങി വരുമ്പോള്‍ ഇയാളുടെ മുറി ഉള്ളില്‍ നിന്ന് പൂട്ടിയ നിലയിലായിരുന്നു. തുടര്‍ന്ന് വാതില്‍ തുറക്കാന്‍ നടിയോട് ഷീസാന്‍ ആവശ്യപ്പെട്ടിരുന്നു. എന്നാല്‍ ഇവര്‍ വാതില്‍ തുറക്കാത്തതിനെ തുടര്‍ന്നു, നടന്‍ ബലം പ്രയോഗിച്ച് വാതില്‍ തുറക്കുകയായിരുന്നു. അപ്പോഴാണ് മുറിയില്‍ ആത്മഹത്യ ചെയ്തതനിലയില്‍ തുനീഷയെ കണ്ടെത്തുന്നത്.
അലി ബാബഛ ദാസ്താന്‍ ഇ കാബൂള്‍ എന്ന ടിവി പരിപാടിയില്‍ അഭിനയിച്ച് വരികയായിരുന്നു ഇവര്‍. ഫിത്തൂര്‍ എന്ന ബോളിവുഡ് ചിത്രത്തില്‍ കത്രീനാ കൈഫിന്റെ ചെറുപ്പക്കാലമായിരുന്നു നടി വെള്ളിത്തിരയിലെത്തിയത്. സിനിമകളില്‍ സജീവമായിരുന്ന തുനീഷ, ടെലിവിഷന്‍ പരിപാടികളിലൂടെയാണ് ശ്രദ്ധേയയാത്.
English Summary: The film and television star committed suicide in the green room
You may also like this video
