ജാര്‍ഖണ്ഡില്‍ പെണ്‍കുട്ടിയെ ബലാത്സംഗം ചെയ്ത് കൊലപ്പെടുത്തിയ ശേഷം മരത്തില്‍ കെട്ടിത്തൂക്കി. വിവാഹവാഗ്ദാനം നല്‍കി 14 വയസുകാരിയുമായി അടുപ്പം സ്ഥാപിച്ചാണ് ബലാത്സംഗം ചെയ്തതെന്നാണ് പൊലീസ് പറയുന്നത്. ദുക ജില്ലയിലെ മുഫാസില്‍ പൊലീസ് സ്റ്റേഷന്‍ പരിധിയിലാണ് സംഭവം. പെണ്‍കുട്ടി ഗര്‍ഭിണിയായിരുന്നുവെന്നാണ് ബന്ധുക്കളുടെ ആരോപണം.
പ്രതി അര്‍മാന്‍ അന്‍സാരിയെ പൊലീസ് അറസ്റ്റ് ചെയ്തിട്ടുണ്ട്. ഇയാള്‍ കെട്ടിട നിര്‍മാണ തൊഴിലാളിയാണ്. പ്രതിക്കെതിരെ ബലാത്സംഗത്തിനും കൊലപാതകത്തിനും കേസ് രജിസ്റ്റര്‍ ചെയ്തുവെന്ന് എസ്പി അമ്പര്‍ ലക്ര പറഞ്ഞു. പ്രതിക്കെതിരെ പോക്സോ വകുപ്പും എസ്‌സി-എസ്ടി ആക്റ്റും ചുമത്തിയിട്ടുണ്ട്. പതിനാലുകാരിയായ പെണ്‍കുട്ടിയെ കെലപ്പെടുത്തിയ ശേഷമാണോ ജീവനോടെയാണോ കെട്ടിത്തൂക്കിയതെന്നറിയാന്‍ പരിശോധനാഫലങ്ങള്‍ വരേണ്ടതുണ്ട്. ബന്ധുവായ സ്ത്രീക്കൊപ്പമാണ് പെണ്‍കുട്ടി താമസിച്ചിരുന്നത്.
English summary; The girl was raped and killed and then hanged on a tree
You may also like this video;
