ഇന്ത്യാ ഗേറ്റിലെ അമര്‍ ജവാന്‍ ജ്യോതിയുടെ ഭാഗമായ തലകീഴായുള്ള തോക്കും ഹെല്‍മറ്റും ദേശീയ യുദ്ധസ്മാരകത്തിലേക്ക് മാറ്റി. ഇതോടെ 1971 ലെ ഇന്ത്യ‑പാകിസ്ഥാൻ യുദ്ധത്തിൽ വീരമൃത്യുവരിച്ച സൈനികരുടെ സ്മാരകം ദേശീയ യുദ്ധ സ്മാരകവുമായി ലയിപ്പിക്കുന്നത് പൂർത്തിയായി.
പരംവീരചക്ര പുരസ്കാര ജേതാക്കളുടെ അർധകായ പ്രതിമകൾക്കിടയിലാണ് ഇതു മാറ്റിസ്ഥാപിച്ചത്. ചീഫ് ഓഫ് ഇന്റഗ്രേറ്റഡ് ഡിഫൻസ് സ്റ്റാഫ്, ചീഫ് ഓഫ് സ്റ്റാഫ് കമ്മിറ്റി (സിഐഎസ്‌സി) എയർ മാർഷൽ ബി ആർ കൃഷ്ണ ചടങ്ങിന് നേതൃത്വം വഹിച്ചു. ഇന്ത്യാ ഗേറ്റില്‍ നിന്ന് 400 മീറ്റര്‍ അകലെയാണ് യുദ്ധസ്മാരകം സ്ഥിതി ചെയ്യുന്നത്.
ജനുവരിയില്‍ അമര്‍ ജവാന്‍ ജ്യോതിയിലെ ജ്വാലയും യുദ്ധസ്മാരകത്തിലെ ദീപത്തില്‍ ലയിപ്പിച്ചിരുന്നു. അമ്പത് വര്‍ഷക്കാലം ജ്വലിച്ചിരുന്ന ജ്യോതി മാറ്റിയത് ഏറെ വിവാദങ്ങള്‍ക്ക് കാരണമായിരുന്നു.
English Summary: The gun and helmet at India Gate were moved to the war memorial
You may like this video also
