ആരാധകരുടെ ശല്യം അതിരുവിട്ടതോടെ പ്രയാഗ്രാജിൽ നടക്കുന്ന മഹാകുംഭമേളയിലൂടെ താരമായ പെൺകുട്ടി തിരികെ വീട്ടിലേക്ക് മടങ്ങി. മാല വിൽപനയ്ക്കായാണ് മധ്യപ്രദേശിലെ നിർധന കുടുംബത്തിലെ അംഗമായ പെൺകുട്ടി എത്തിയത് . ലിയനാഡോ ഡാവിഞ്ചിയുടെ മൊണാലിസയോടു സാദൃശ്യമുള്ള പെൺകുട്ടിയുടെ വിഡിയോയും വാർത്തയും ചർച്ചയായതിനു പിന്നാലെ പരിചയപ്പെടാനും വിഡിയോയെടുക്കാനും എത്തുന്നവരുടെ ശല്യം കാരണം മാല വിൽപന നിലച്ചു. വിഡിയോ പ്രചരിച്ചതോടെ യു ട്യൂബർമാർ ഉള്പ്പെടെ പെൺകുട്ടിയെ ശല്യം ചെയ്യാനെത്തി. ഇതോടെ പിതാവ് ഇടപെട്ട് പെൺകുട്ടിയെ വീട്ടിലേക്ക് മടക്കിയയക്കുകയായിരുന്നു.
ആരാധകരുടെ ശല്യം അതിരുവിട്ടു ; മഹാകുംഭമേളയിലൂടെ താരമായ പെൺകുട്ടി തിരികെ മടങ്ങി
