ഓടിക്കൊണ്ടിരുന്ന കെഎസ്ആര്‍ടിസി. ബസ്സില്‍ നിന്നും തെറിച്ച് വീണ് വീട്ടമ്മയ്ക്ക് ഗുരുതര പരിക്ക്. ചക്കക്കാനം ഇടക്കുഴിയില്‍ വീട്ടില്‍ രാധാമണിക്കാണ് അപകടം സംഭവിച്ചത്. തിങ്കളാഴ്ച രാവിലെ അഞ്ചരയോടെയാണ്് അപകടം സംഭവിച്ചത്. എറണാകുളത്തേയ്ക്ക് പോകുന്നതിനായി രാധാമണിയും ഭര്‍ത്താവ് രാജനും ചക്കകാനത്ത് നിന്നും ബസില്‍ കയറുകയായിരുന്നു.
ബസ് വളവ് തിരിഞ്ഞപ്പോള്‍ ഇരിക്കാന്‍ വേണ്ടി പുറകിലോട്ട് നീങ്ങിയ രാധാമണി പിടി വിട്ട് പിന്‍വശത്തെ വാതില്‍ലൂടെ തെറിച്ച് വഴിയിലേയ്ക്ക് വീഴുകയായിരുന്നു. തലയടിച്ച് വീണ് ഗുരുതര പരിക്കുകളേറ്റ രാധാമണിയെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു.യാത്രക്കായി പൂറപ്പെട്ട സ്ഥലത്ത് നിന്നും ഏകദേശം 200 മീറ്റര്‍ സഞ്ചരിപ്പഴോണ് അപകടം ഉണ്ടായത്. രാധാമണി ബസ്സില്‍ കയറിയതിനു ശേഷം വാതില്‍ അടയാതിരുന്നതും ബസ്സിന്റെ അമിത വേഗതയുമാണ് അപകടത്തിന് കാരണം എന്ന് സഹയാത്രികര്‍ പറയുന്നു.
English Summary:The housewife fell from the running bus and is in critical condition
You may also like this video
