പള്ളിപ്പാട് നടുവട്ടം വൊക്കേഷണൽ ഹയർസെക്കൻഡറി സ്കൂളിലെ എൻ എസ് എസ് യൂണിറ്റിന്റെ നേതൃത്വത്തിൽ ഉച്ച ഭക്ഷണ പൊതിവിതരണം ‘കരുതൽ സ്പർശം’ പദ്ധതിക്ക് തുടക്കമായി. ഹരിപ്പാട് ഗവണ്‍മെന്റ് ആശുപത്രിയിലെ രോഗികൾക്കും കൂട്ടിരിപ്പുകാർക്കും നിരാശ്രയർക്കും കൈത്താങ്ങായാണ് എൻ എസ് എസ് വോളന്റിയർമാർ ഭക്ഷണപ്പൊതികൾ വീടുകളിൽ നിന്നു തയ്യാറാക്കി കൊണ്ട് വരുന്നത്.
വിശപ്പുരഹിത ഹരിപ്പാടുമായി സഹകരിച്ചാണ് പദ്ധതി നടപ്പിലാക്കുന്നത്. നഗരസഭ കൗൺസിലർ ഉമാറാണി ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം ജോർജ് വർഗീസ് വെങ്ങാലിൽ, പ്രിൻസിപ്പൽ രമാദേവി, എൻ എസ് എസ് പ്രോഗ്രാം ഓഫീസർ എൻസി മത്തായി, അക്കോക്ക് ഭാരവാഹികൾ എന്നിവർ പങ്കെടുത്തു.
English Summary: The Karkal Sparsham project has started