മോണ്‍സന്‍ മാവുങ്കലിന്റെ പുരാവസ്തു തട്ടിപ്പുകേസിൽ രണ്ടാം പ്രതിയാക്കപ്പെട്ട കെപിസിസി പ്രസിഡന്റ് കെ സുധാകരന് ഹൈക്കോടതി ഇടക്കാല മുൻകൂർ ജാമ്യം അനുവദിച്ചു. രണ്ടാഴ്ചത്തേക്കാണ് ജസ്റ്റിസ് എ എ സിയാദ് റഹ്‌മാൻ ജാമ്യം അനുവദിച്ചത്. കെ സുധാകരൻ അന്വേഷണ സംഘത്തിന് മുമ്പാകെ ഹാജരാകണമെന്ന് കോടതി നിർദേശിച്ചു. അറസ്റ്റ് ചെയ്യപ്പെട്ടാൽ ജാമ്യം നൽകണമെന്നും ഉത്തരവിട്ടു. വഞ്ചനാക്കുറ്റം ചുമത്തി ക്രൈംബ്രാഞ്ച് കേസെടുത്ത സാഹചര്യത്തിലാണ് സുധാകരൻ മുൻകൂർ ജാമ്യത്തിനായി കോടതിയിലെത്തിയത്. സാക്ഷികളെ സ്വാധീനിക്കരുത്, 50000 രൂപയുടെ ആൾ ജാമ്യം തുടങ്ങിയ വ്യവസ്ഥകളോടെയാണ് മുൻകൂർ ജാമ്യം.
English Summary: The Monson Case; Interim anticipatory bail for K Sudhakaran
You may also like this video
