പയ്യന്നൂരില് നിർത്തിയിട്ടിരുന്ന ലോറിക്ക് തീപിടിച്ച് അപകടം. ഡ്രൈവര് പൊള്ളലേല്ക്കാതെ രക്ഷപ്പെട്ടു. സിമന്റ് ഗോഡൗണിൽ നിർത്തിയിട്ടിരുന്ന ലോറിക്കാണ് തീപിടിച്ചത്. തമിഴ്നാട് കുംഭകോണം സ്വദേശിയായ ഡ്രൈവർ ഗോപിനാഥാണ് വണ്ടിയിൽനിന്ന് ചാടിയിറങ്ങി രക്ഷപ്പെട്ടത്. അഗ്നിരക്ഷാസേന സ്ഥലത്തെത്തി തീയണച്ചു.
തിങ്കളാഴ്ച ഉച്ചയ്ക്ക് രണ്ടു മണിയോടെയാണ് തീപിടിത്തമുണ്ടായത്. ചാടിയിറങ്ങിയപ്പോൾ ഗോപിനാഥിനു നിസാര പരുക്കേറ്റിരുന്നു. ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു. ഷോർട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.