മോഷ്ടിച്ച് പറന്ന വിമാനം ഇടിച്ചിറക്കുമെന്ന് ഭീഷണിപ്പെടുത്തിയ വിമാനത്താവള ജീവനക്കാരന്‍ പിടിയില്‍. ബീച്ച് കിങ് എയര്‍ സി90 എന്ന വിമാനമാണ് ടുപെലോ വിമാനത്താവളത്തില്‍ നിന്ന് മോഷ്ടിച്ച് പറന്നത്. രണ്ട് എന്‍ജിനുകളുള്ള ഒമ്പത് സീറ്റർ വിമാനമാണിത്. വാൾമാർട്ടിന്റെ ഷോപ്പിൽ ഇടിച്ചിറക്കുമെന്നും ഇയാള്‍ ഭീഷണിപ്പെടുത്തി. ഒടുവിൽ ഇന്ധനം തീര്‍ന്ന് വിമാനം അടിയന്തര ലാൻഡിങ് നടത്തിയതോടെ ജീവനക്കാരനെ പൊലീസ് കസ്റ്റഡിയിൽ എടുക്കുകയായിരുന്നു. കൂടുതൽ വിവരങ്ങൾ പുറത്തുവിട്ടിട്ടില്ല.
യുഎസിലെ വടക്കുകിഴക്കൻ മിസിസിപ്പിയിലെ നഗരമായ ടുപെലോയിലെ വെസ്റ്റ് മെയിനിലാണ് സംഭവം.
വിമാനവുമായി പറന്ന ജീവനക്കാരനുമായി പൊലീസ് സംസാരിച്ചെങ്കിലും ആളെക്കുറിച്ചോ ലക്ഷ്യത്തെക്കുറിച്ചോ ഉള്ള വിവരങ്ങള്‍ പുറത്തുവിട്ടിട്ടില്ല.
English Summary: The plane was stolen; The employee who threatened to crash was arrested
You may like this video also
