പഞ്ചാബില്‍ നിഹാംഗ് സിക്കുകാരുടെ സംഘം നടത്തിയ വെടിവെയ്പ്പില്‍ പൊലീസുകാരന്‍ കൊല്ലപ്പെട്ടു. കപൂര്‍ത്തലയിലുള്ള ഗുരുദ്വാരയിലാണ് വെടിവെയ്പ്പുണ്ടായത്. സംഭവത്തില്‍ മൂന്നു പേര്‍ക്ക് പരിക്കേറ്റിട്ടുണ്ട്. ഗുരുദ്വാരയുടെ അവകാശങ്ങളെ ചൊല്ലിയുള്ള തര്‍ക്കങ്ങള്‍ക്ക് ഇടയിലാണ് വെടിവെയ്പ്പില്‍ കലാശിച്ചത്.
ഗുരുദ്വാരയില്‍ കടന്നു കയറിയതിന് നിഹാംഗ് വിഭാഗത്തിലെ പത്തുപേരെ പൊലീസ് അറസ്റ്റ് ചെയ്തത്. അന്തരീക്ഷം നിയന്ത്രണവിധേയമാക്കാന്‍ പൊലീസ് എത്തിയപ്പോഴാണ് അവര്‍ക്ക് നേരെ ചിലര്‍ വെടിയുതിര്‍ത്തത്. റോഡില്‍ നില്‍ക്കുമ്പോഴാണ് പൊലീസുകാര്‍ക്ക് നേരെ നിഹാംഗുകള്‍ വെടിവെച്ചതും ഒരാള്‍ കൊല്ലപ്പെട്ടു.
പ്രദേശത്ത് വലിയൊരു സംഘം പൊലീസിനെ വിന്യസിച്ചിരിക്കുകയാണ്. മുതിര്‍ന്ന പൊലീസ് ഉദ്യോഗസ്ഥര്‍ ഉള്‍പ്പെടെ സംഭവം സ്ഥലത്ത് എത്തി. ഏകദേശം മുപ്പതോളം നിഹാംഗുകള്‍ ഇപ്പോഴും ഗുരുദ്വാരയ്ക്കുള്ളില്‍ തുടരുകയാണെന്ന് പൊലീസ് ഉദ്യോഗസ്ഥര്‍ പറയുന്നു.
English Summary:The policeman was killed in punjab
You may also like this video
