വഴിത്തര്‍ക്കത്തെ തുടര്‍ന്ന് ബന്ധുവിനെ വിളിച്ചുവരുത്തി വെട്ടിക്കൊലപ്പെടുത്താന്‍ ശ്രമിച്ച കേസിലെ പ്രതിയെ പൊലീസ് പിടികൂടി. നെടുമ്പന കളയ്ക്കല്‍ സിന്‍ഷനിവാസില്‍ ദേവരാജന്‍ (51) ആണ് അറസ്റ്റിലായത്. ബന്ധുവായ ചന്ദ്രശേഖരനെ കൊലപ്പെടുത്താന്‍ ശ്രമിച്ച കേസിലാണ് ഇയാളുടെ അറസ്റ്റ്.
ദേവരാജനും ചന്ദ്രശേഖരനും തമ്മില്‍ വഴിത്തര്‍ക്കം നിലനിന്നിരുന്നു. ചൊവ്വാഴ്ച ദേവരാജന്‍, ചന്ദ്രശേഖരനെ തര്‍ക്കസ്ഥലത്തേക്ക് വിളിച്ചുവരുത്തി കൈയില്‍ കരുതിയിരുന്ന വെട്ടുകത്തികൊണ്ട് തലയില്‍ മാരകമായി വെട്ടുകയായിരുന്നുവെന്ന് പൊലീസ് പറയുന്നു.
നെറ്റിയില്‍ ആഴത്തില്‍ മുറിവേറ്റ ഇയാള്‍ ആശുപത്രിയില്‍ ചികിത്സയിലാണ്. പൊലീസ് ഇന്‍സ്‌പെക്ടര്‍ ജയകുമാറിന്റെ നേതൃത്വത്തില്‍ എസ് ഐ അരുണ്‍ ഷാ, എഎസ്ഐ രാജേന്ദ്രന്‍, എസ് സിപിഒ ലാലുമോന്‍, സിപിഒ വിഷ്ണു എന്നിവര്‍ ചേര്‍ന്നാണ് പ്രതിയെ പിടികൂടിയത്.
English Summary; The relative was attacked, and arrested
You may also like this video
