ഹയർ സെക്കൻഡറി പരീക്ഷാ ഫലം മെയ് 25 ന് പ്രഖ്യാപിക്കുമെന്ന് വിദ്യാഭ്യാസ വകുപ്പ് മന്ത്രി വി ശിവൻകുട്ടി. ജൂലൈ അഞ്ചിന് ഒന്നാം വർഷ ഹയർ സെക്കൻഡറി ക്ലാസുകൾ ആരംഭിക്കുമെന്ന് മന്ത്രി അറിയിച്ചു. ഒന്നാം വർഷ ഹയർസെക്കൻഡറിയിൽ ചേരാൻ ഉദ്ദേശിക്കുന്ന കുട്ടികള്‍ക്ക് അവസരം ഉണ്ടാക്കും. കഴിഞ്ഞ വർഷമുണ്ടായ 81 അധിക ബാച്ച് ഇത്തവണയും തുടരുമെന്ന് മന്ത്രി പറഞ്ഞു. വൈകാതെ സർക്കാർ തലത്തിൽ അതിന്റെ ഉത്തരവ് ഉണ്ടാകും എന്നും മന്ത്രി അറിയിച്ചു. താലൂക്ക് തലത്തിൽ ലിസ്റ്റ് ശേഖരിക്കാൻ നിർദ്ദേശം നൽകിയതായും മന്ത്രി പറഞ്ഞു.
മൂല്യനിർണയം നടത്തിയ അധ്യാപകർക്ക് പണം അനുവദിക്കാത്തതിൽ ഉത്കണ്ഠ പെടേണ്ട കാര്യമൊന്നുമില്ലെന്ന് മന്ത്രി പറഞ്ഞു. മുമ്പും അതിന് താമസം നേരിട്ടുണ്ട്. രാജ്യത്തെ കൊടുങ്കാറ്റ് പോലെ ജനങ്ങളെ ബാധിക്കുന്ന വിഷയമല്ല. അതു കൊണ്ട് എപ്പോൾ കൊടുക്കുമെന്ന് മാധ്യമങ്ങളോട് പറയേണ്ട കാര്യമില്ല എന്നും മന്ത്രി വ്യക്തമാക്കി.
English Summary; The result of higher secondary examination will be declared on 25th of this month
You may also like this video
