ഏറ്റുമാനൂർ–കോട്ടയം റെയില്‍പ്പാത ഇരട്ടിപ്പിക്കൽ പ്രാരംഭ പ്രവർത്തനങ്ങൾ വേഗത്തിലാക്കുന്നതിന്റെ ഭാഗമായി ശബരി എക്സ്പ്രസ് നാളെ (ഫെബ്രുവരി 7) മുതല്‍ എറണാകുളത്തുനിന്നും ആലപ്പുഴ വഴി വഴിതിരിച്ചുവിടും. നമ്പർ 17230 സെക്കന്തരാബാദ് തിരുവനന്തപുരം സെൻട്രൽ ഡെയ്‌ലി ശബരി എക്സ്പ്രസ് ഫെബ്രുവരി 14 മുതൽ 2022 മാർച്ച് 05 വരെ വഴി തിരിച്ചുവിടുമെന്നായിരുന്നു അറിയിച്ചിരുന്നത്. എന്നാല്‍ പ്രവൃത്തികള്‍ നേരത്തെ തീര്‍ക്കുന്നതിന്റെ ഭാഗമായി കോട്ടയം വഴിയുള്ള ശബരി എക്സ്പ്രസ് ഇന്നു മുതൽ ആലപ്പുഴ വഴിയാകും സഞ്ചരിക്കുകയെന്നും അ റിയിപ്പില്‍ പറയുന്നു.
എറണാകുളം ടൗണിനും കായംകുളം ജംഗ്ഷനും ഇടയിലുള്ള കോട്ടയം, ചങ്ങനാശേരി എന്നിവിടങ്ങളിൽ ഷെഡ്യൂൾ ചെയ്ത സ്റ്റോപ്പുകൾ ഒഴിവാക്കും.
തിരുവല്ല, ചെങ്ങന്നൂർ, മാവേലിക്കര ഭാഗത്തേക്കുള്ളവര്‍ക്കായി ചേർത്തല, ആലപ്പുഴ, അമ്പലപ്പുഴ, ഹരിപ്പാട് എന്നിവിടങ്ങളിൽ അധിക താത്കാലിക സ്റ്റോപ്പുകള്‍ ഏർപ്പെടുത്തിയതായും റെയില്‍വേ പാലക്കാട് ഡിവിഷന്‍ അധികൃതര്‍ പത്രക്കുറിപ്പില്‍ വ്യക്തമാക്കി.
ENGLISH SUMMARY:The Sabari Express will be diverted via Alappuzha from tomorrow
You may also like this video
