കനത്ത മഴയില് റെഡ് അലേര്ട്ട് പുറപ്പെടുപ്പിച്ച വയനാട്ടിലെ ബാണാസുര സാഗര് ഡാമിന്റെ ഒരു ഷട്ടര് ഇന്ന് (ജൂലൈ 18) ഉച്ച രണ്ടു മണിയോടെ തുറക്കുമെന്ന് അധികൃതര് അറിയിച്ചു. ഡാമിന്റെ താഴ്ന്ന പ്രദേശങ്ങളിലുള്ളവര് ജാഗ്രത പാലിക്കണം. 15 സെന്റീമീറ്റര് ആണ് ഒരു ഷട്ടര് രണ്ടു മണിയോടെ ഉയര്ത്തുക. ഇതുമായി ബന്ധപ്പെട്ട് പടിഞ്ഞാറത്തറ, കോട്ടത്തറ, പനമരം, പുല്പ്പള്ളി, മുള്ളന്കൊല്ലി, വെള്ളമുണ്ട, മാനന്തവാടി മുനിസിപ്പാലിറ്റിയുടെ ചില ഭാഗങ്ങള് എന്നിവിടങ്ങളില് ഉള്ളവര് ജാഗ്രത പുലര്ത്തണം.
വെള്ളം കയറുന്ന ഭാഗങ്ങളില് കഴിയുന്ന ജനങ്ങളെ ആവശ്യമെങ്കില് ഒഴിപ്പിക്കാനും ക്യാമ്പുകളിലേക്ക് മാറ്റാനും അതാത് ഗ്രാമപഞ്ചായത്തുകള്ക്ക് അറിയിപ്പ് നല്കിയിട്ടുണ്ട്. ഡാം സ്പില്വേയുടെ മുന്നില് പുഴയില് ഇറങ്ങുന്നതില് നിന്ന് ആളുകള് പിന്തിരിയണമെന്നും ഇത് അപകടം ക്ഷണിച്ചുവരുത്തുമെന്നും അധികൃതര് അറിയിച്ചു. പുറപ്പെടുവിച്ച സമയവും തീയതിയും 10.00 AM; 18/07/2025 അടുത്ത 3 മണിക്കൂറിൽ കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.