വിഴിഞ്ഞം തുറമുഖനിര്‍മ്മാണത്തിനായി കല്ലുകള്‍ എത്തിച്ച നാല്‍പതോളം ലോറികള്‍ സമരക്കാര്‍ തടഞ്ഞു. സമരക്കാരും നിര്‍മ്മാണത്തെ അനുകൂലിക്കുന്നവരും തമ്മില്‍ പ്രദേശത്ത് സംഘര്‍ഷാവസ്ഥ ആയതോടെ സ്ഥലത്ത് പൊലീസ് എത്തി നിയന്ത്രണമേറ്റെടുത്തു. നിരവധി പേര്‍ക്ക് കല്ലേറില്‍ പരിക്കേറ്റു. തുറമുഖനിർമ്മാണം തടസ്സപ്പെടുത്തില്ലെന്ന് സമരസമിതി ഹെെക്കോടതിയിൽ കഴിഞ്ഞദിവസം സത്യവാങ് മൂലം നൽകിയിരുന്നു. അത് ലംഘിച്ചാണ് സമരപന്തലിൽനിന്ന് ഇറങ്ങിവന്ന് ലോറികൾ തടഞ്ഞത്. അതേസമയം സമരക്കാരെ റോഡിൽനിന്നും നീക്കി തുടങ്ങി. വിഴിഞ്ഞത്ത് ഇന്ന് നിർമ്മാണ പ്രവർത്തനങ്ങൾ വീണ്ടും തുടങ്ങുമെന്ന് അദാനി ഗ്രൂപ്പ് കഴിഞ്ഞ ദിവസം അറിയിച്ചിരുന്നു.
English Summary:The strikers stopped the lorry; Conflict in Vizhijam
You may also like this video
