സ്കൂള്‍ ബസില്‍ നിന്നിറങ്ങി വീട്ടിലേക്ക് വരികയായിരുന്ന വിദ്യാര്‍ത്ഥിനി അതേ ബസിടിച്ച് മരിച്ചു. ബംഗളൂരുവിലെ ഹുൻസൂരിലെ മഞ്ജുനാഥ ലേഔട്ടിൽ വ്യാഴാഴ്ച ഉച്ചയ്ക്കാണ് സംഭവം. സംഭവം സിസിടിവി ക്യാമറയിൽ പതിഞ്ഞിട്ടുണ്ട്.
രണ്ട് പെൺകുട്ടികൾ സ്കൂൾ ബസിൽ നിന്ന് ഇറങ്ങുന്നതും അതിലൊരാൾ ബസിന് മുന്നിലൂടെ റോഡ് മുറിച്ചുകടക്കുന്നതും ഡ്രൈവർ ബസ് മുന്നോട്ട് എടുക്കുന്നതുമെല്ലാം സിസിടിവി ദൃശ്യങ്ങളിൽ കാണാം. പെൺകുട്ടിയെ ഉടൻ സ്വകാര്യ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. സ്കൂൾ ബസ് ഡ്രൈവറുടെ അശ്രദ്ധയാണ് സംഭവത്തിന് കാരണമെന്ന് ആരോപിച്ച് ഹുൻസൂർ പൊലീസ് കേസെടുത്തു.
English Summary: The student was killed by the same school bus while crossing the road to get off the bus
You may also like this video
