കെ പി മെമ്മോറിയൽ യുപി സ്കൂളിൽ വിദ്യാർത്ഥികളെ അനുമോദിക്കാൻ സംഘടിപ്പിച്ച പൊതുസമ്മേളനം സംഗീത സംവിധായകൻ ആലപ്പി ഋഷികേശ് ഉദ്ഘാടനം ചെയ്തു. പി ടി എ പ്രസിഡന്റ് അജി പ്രസാദ് അധ്യക്ഷത വഹിച്ചു. എൽ എസ് എസ്, യു എസ് എസ് വിജയികളെ ഗ്രാമ പഞ്ചായത്തംഗം എം ചന്ദ്ര അനുമോദിച്ചു.
ചടങ്ങിൽ വിരമിക്കുന്ന അദ്ധ്യാപകൻ ജാബിർ കുഞ്ഞാശാനെ ആലപ്പി ഋഷികേശ് പൊന്നാടയണിയിച്ച് ഉപഹാരം നൽകി. യുവകവി കൈലാസ് തോട്ടപ്പള്ളി, പി ടി എ വൈസ് പ്രസിഡന്റ് സെബാസ്റ്റ്യൻ, എം പി ടി എ പ്രസിഡന്റ് നിഷ പ്രദീപ്, അധ്യാപകരായ ഗ്രീഷ്മ, അരുണിമ, മായ എന്നിവർ സംസാരിച്ചു. ഹെഡ് മിസ്ട്രസ്സ് ഇൻചാർജ് ബിന്ദു ജി പണിക്കർ സ്വാഗതവും സ്റ്റാഫ് സെക്രട്ടറി മായാ ചന്ദ്രൻ നന്ദിയും പറഞ്ഞു.