മാധ്യമപ്രവർത്തകർക്കും അഭിഭാഷകർക്കും എതിരേ വ്യാപകമായി യുഎപിഎ ചുമത്തി കേസെടുത്തത് അടിയന്തരമായി പരിഗണിക്കാമെന്ന് സുപ്രീംകോടതി. ത്രിപുരയിലെ സംഘർഷത്തിന്‍റെ പശ്ചാത്തലത്തിലാണ് കോടതിയുടെ പ്രതികരണം. ന്യൂസ് ക്ലിക്ക് മാധ്യമപ്രവർത്തകൻ ശ്യാം മീര സിംഗ്, സുപ്രീംകോടതി അഭിഭാഷകരായ എഹ്തേഷാം ഹഷ്മി, അമിത് ശ്രീവാസ്തവ, അൻസാർ ഇൻഡോറി, മുകേഷ് കുമാർ എന്നിവര്‍ക്കാണ് യുഎപിഎ ചുമത്തപ്പെട്ടത്. ഇത്തരത്തില്‍ അമ്പതോളം പേർ നൽകിയ ഹർജികളാണ് അടിയന്തരമായി കേൾക്കാമെന്ന് ചീഫ് ജസ്റ്റീസ് എൻ വി രമണ അധ്യക്ഷനായ ബെഞ്ച് വ്യക്തമാക്കിയത്.
ENGLISH SUMMARY:The Supreme Court has said that UAPA cases will be considered immediately
You may also like this video
