രാജസ്ഥാനിലെ ഉദയ്പുരില്‍ വിദ്യാര്‍ത്ഥിയെ ക്രൂരമായി മര്‍ദ്ദിച്ച് അധ്യാപകൻ. മറ്റൊരു വിദ്യാര്‍ത്ഥിയോട് ചോദിച്ച ചോദ്യത്തിന് ചാടിക്കയറി ഉത്തരം പറ‍ഞ്ഞതിനാണ് 14 കാരനായ സംയക് നന്ദാവതിനെ മര്‍ദ്ദിച്ചത്. സംഭവത്തില്‍ വിദ്യാര്‍ത്ഥിയുടെ മാതാപിതാക്കള്‍ ഹിന്ദി അധ്യാപകനായ കമലേഷ് വൈഷവിനെതിരെപൊലീസില്‍ പരാതി നല്‍കിയിട്ടുണ്ട്. കമലേഷ് വിദ്യാര്‍ത്ഥിയുടെ തല പിടിച്ച് മേശയിലിടിപ്പിച്ചെന്നും തുടര്‍ന്ന് മുന്‍നിരയിലെ പല്ലുകള്‍ പൊട്ടിപ്പോയെന്നുമാണ് ആരോപണം. വ്യാഴാഴ്ചയായിരുന്നു സംഭവം.
അതേസമയം, വിദ്യാര്‍ത്ഥി ഇരിക്കാന്‍ ശ്രമിക്കുന്നതിനിടെ തല മേശയിലിടിച്ചതാണെന്നാണ് സ്‌കൂള്‍ മാനേജ്‌മെന്റിന്റെ പ്രതികരണം. സംഭവം അപകടമാണെന്നും സിസിടിവി ദൃശ്യങ്ങള്‍ പരിശോധിക്കാന്‍ തങ്ങള്‍ തയാറാണെന്നും സ്‌കൂള്‍ അധികൃതര്‍ പറഞ്ഞു. അധ്യാപകന്റെ ഭാഗത്ത് തെറ്റുണ്ടെന്ന് കണ്ടെത്തിയാല്‍ അദ്ദേഹത്തെ സസ്‌പെന്‍ഡ് ചെയ്യുമെന്നും സ്‌കൂള്‍ അധികൃതര്‍ വ്യക്തമാക്കി.
English Summary: The teacher beat the student
You may also like this video
