യുപിയിലെ നിയമസഭാ തെരഞ്ഞെടുപ്പിന്റെ മൂന്നാം ഘട്ട പരസ്യപ്രചരണം ഇന്ന് അവസാനിക്കും. മൂന്നാം ഘട്ട വോട്ടെടുപ്പ് ഫെബ്രുവരി 20നാണ് നടക്കുന്നത്. 403 അംഗങ്ങളാണ് ഉത്തര്‍പ്രദേശ് നിയമസഭയില്‍ ഉള്‍പ്പെടുന്നത്. 59 സീറ്റുകളിലായാണ് മത്സരം നടക്കുക. മൂന്നാം ഘട്ടത്തില്‍ ഹത്രാസ്, ഫിറോസാബാദ്, കാസ്ഗഞ്ച്, ഇറ്റാ, മെയിന്‍പുരി, ഫറൂഖാബാദ്, കനൗജ്, ഇറ്റാവ, ഔറിയ, ഝാന്‍സി, ലളിത്പൂര്‍, ഹമീര്‍പൂര്‍, മഹോബ എന്നീ 16 ജില്ലകളാണ് ബൂത്തിലേക്ക് എത്തുക.
സമാജ്വാദി പാര്‍ട്ടി അധ്യക്ഷന്‍ അഖിലേഷ് യാദവ് മത്സരിക്കുന്ന മെയിന്‍പുരി ജില്ലയിലെ കര്‍ഹാല്‍ മണ്ഡലത്തിലും മത്സരം നടക്കും. തെരഞ്ഞെടുപ്പ് കമ്മീഷന്‍ സുരക്ഷാ സംവിധാനങ്ങള്‍ കൂടുതല്‍ കര്‍ശനമാക്കാന്‍ നിര്‍ദ്ദേശം നല്‍കി. 623 സ്ഥാനാര്‍ത്ഥികളാണ് ഇത്തവണ 59 സീറ്റുകളിലായി ജനവിധി തേടുന്നത്. ഇതില്‍ 103 സ്ഥാനാര്‍ത്ഥികളും ഗുരുതരമായ കുറ്റക്യത്യങ്ങളില്‍ ആരോപണവിധേയരാണ്.
English Summary:The third phase of election campaign ends today in uttarpradesh
You may also like this video
