സംസ്ഥാനത്ത് ട്രോളിംഗ് നിരോധനം ഇന്ന് അര്‍ധരാത്രി അവസാനിക്കും. രാത്രി 12 മണി മുതല്‍ ആഴക്കടല്‍ മത്സ്യബന്ധനം പുനരാരംഭിക്കും. 52 ദിവസത്തെ മത്സ്യബന്ധന നിരോധന കാലം കഴിഞ്ഞ് ഇന്ന് അര്‍ധരാത്രിയോടെ അറ്റകുറ്റപ്പണികള്‍ നടത്തിയ ബോട്ടുകള്‍ വീണ്ടും കടലിലേക്കിറങ്ങും. ചാകര പ്രതീക്ഷിച്ച് പോകുന്ന ബോട്ടുകള്‍ നാളെ രാവിലെയോടെയാകും തിരിച്ചെത്തുക.
വറുതിക്കാലത്തിനുശേഷം യന്ത്രവല്‍കൃത യാനങ്ങള്‍ വീണ്ടും കടലിലേക്ക് പോകുമ്പോള്‍ നിലവിലെ ഇന്ധനവില വര്‍ദ്ധനവില്‍ മേഖല എത്ര കാലം അതിജീവിക്കുമെന്ന ആശങ്കയിലാണ് ബോട്ട് ഉടമകള്‍. കടലില്‍ പോകുന്ന ബോട്ടുകള്‍ക്കായി വാങ്ങുന്ന ഡീസലിന് റോഡ് നികുതി ഒഴിവാക്കണമെന്നാണ് ഇവരുടെ ആവശ്യം.
English summary; The trolling ban will end tonight
You may also like this video;
