പ്രമുഖ എഴുത്തുകാരി മഹാശ്വേതാ ദേവിയുടെ ചെറുകഥ ഉൾപ്പെടെ രണ്ട് ദളിത് എഴുത്തുകാരുടെ രചനകൾ ഇംഗ്ലീഷ് സിലബസിൽ നിന്ന് ദൽഹി സർവകലാശാലയുടെ മേൽനോട്ട സമിതി നീക്കം ചെയ്തു.
മേൽനോട്ട സമിതിയുടെ നടപടിക്കെതിരെ വിവിധ ഭാഗങ്ങളിൽ നിന്ന് വിമർശനം ഉയരുന്നുണ്ട്. ദൽഹി യൂണിവേഴ്സിറ്റി അക്കാദമിക് കൗൺസിലിലെ 15 അംഗങ്ങൾ മേൽനോട്ട സമിതിയുടെ തീരുമാനത്തെ എതിർത്ത് രംഗത്തുവന്നിട്ടുണ്ട്.
അക്കാദമിക് കൗൺസിൽ യോഗത്തിൽവെച്ച് 15 അംഗങ്ങളും മേൽനോട്ട സമിതിയുടെ പ്രവർത്തനങ്ങളിൽ വിയോജിപ്പ് രേഖപ്പെടുത്തി. ദളിത് എഴുത്തുകാരായ ബാമയുടെയും സുകർത്താരിണിയുടെയും കൃതികൾ നീക്കം ചെയ്യാൻ മേൽനോട്ടസമിതി ആദ്യം തീരുമാനിച്ചെന്നും അവരുടെ സൃഷ്ടികൾക്ക് പകരം ‘സവർണ്ണ എഴുത്തുകാരിയായ രമാബായി’ യുടെ എഴുത്ത് ഉൾക്കൊള്ളിച്ചുവെന്നുമാണ് അക്കാദമിക് കൗൺസിൽ അംഗങ്ങൾ പറയുന്നത്.
English summary; The University of Delhi has removed the works of Mahashweta Devi and Dalit writers from the syllabus.
You may also like this video;
