മോഷണക്കുറ്റം ആരോപിച്ച് മർദ്ദനത്തിന് ഇരയായ ആൾ മരിച്ചു

തിരുവനന്തപുരം ചിറയിൻകീഴിൽ മോഷണക്കുറ്റം ആരോപിച്ച് ക്രൂരമർദനത്തിനിരയായ ആൾ മരിച്ചു. വേങ്ങോട് സ്വദേി ചന്ദ്രനാണ് (50) മരിച്ചത്. കഴിഞ്ഞ മാസം 28ാം തീയതിയാണ് കേസിനാസ്പദമായ സംഭവം.

പാത്രങ്ങൾ മോഷ്ടിച്ചു എന്നാരോപിച്ചാണ് ചന്ദ്രനെ തടഞ്ഞുവച്ച് മർദിച്ചത്. തുടർന്ന് കെട്ടിയിട്ടു. ദൃശ്യങ്ങൾ പുറത്തുവന്നിട്ടുണ്ട്. പിന്നാലെ ചിറയിൻകീഴ് പൊലീസെത്തിയാണ് ഇയാളെ ആശുപത്രിയിലേക്ക് മാറ്റിയത്.

ആശുപത്രിയിൽ നിന്ന് ചികിത്സ കഴിഞ്ഞ് വീട്ടിലെത്തിയിട്ടും ഛർദിയുണ്ടായതിനെ തുടർന്ന് നടത്തിയ പരിശോധനയിൽ ആന്തരികാവയവങ്ങൾക്ക് പരുക്കേറ്റതായി കണ്ടെത്തി.

ശസ്ത്രക്രിയ്ക്ക് ശേഷം ഐസിയുവിൽ ചികിത്സ തുടരവേയാണ് ചന്ദ്രൻ മരിച്ചത്. മർദനത്തിലാണ് ആന്തരികാവയവങ്ങൾക്ക് പരിക്കേറ്റതെന്ന് ബന്ധുക്കൾ പറഞ്ഞു.

Eng­lish summary;The vic­tim died after being beat­en and charged with theft

You may also like this video;