നടി ആക്രമിച്ച കേസില്‍ അന്വേഷണ ഉദ്യോഗസ്ഥരെ അപായപ്പെടുത്താന്‍ ഗൂഡാലോചന നടത്തിയെന്ന കേസില്‍ ദിലീപ് ഉള്‍പ്പടെ മൂന്ന് പ്രതികളുടെ ശബ്ദസാംപിള്‍ ശേഖരിച്ചു. ദിലീപ്, സഹോദരന്‍ അനൂപ്, സഹോദരി ഭര്‍ത്താവ് സൂരജ് എന്നിവരാണ് ഇന്ന് 11ഓടെ കാക്കനാട് ചിത്രാഞ്ജലി സ്റ്റുഡിയോയിലെത്തിയത്. ഇവിടെ റിക്കാര്‍ഡ് ചെയ്യുന്ന ശബ്ദ സാംപിളുകള്‍ ഫോറന്‍സിക് പരിശോധനയ്ക്ക് തിരുവനന്തപുരത്തെ ലാബിലേക്ക് അയക്കും. ഒരാഴ്ചയ്ക്കുള്ള പരിശോധന ഫലം ലഭിക്കും. അതേസമയം ഓഡിയോ ക്ലിപ്പിലുള്ള ശബ്ദം തന്‍റേത് തന്നെയാണെന്ന് ദിലീപ് സമ്മതിച്ചിരുന്നു. എന്നാല്‍ ഇവയെല്ലാം ശാപവാക്കുകളാണെന്നാണ് ദിലീപിന്‍റെ വാദം.
English Summary:The voice sample of three people, including dileep was collected
You may also like this video
