പത്തനംതിട്ട കോന്നിയിൽ കാട്ടാനയെ ചരിഞ്ഞ നിലയിൽ കണ്ടെത്തി. കല്ലേലി പാടം സ്റ്റേഷൻ പരിധിയിലെ കടിയാർ ഭാഗത്താണ് കാട്ടാനയെ ചരിഞ്ഞ നിലയിൽ കണ്ടെത്തിയത്. പാടം സ്റ്റേഷനിലെ ജീവനക്കാർ ഫീൽഡിൽ പോയ സമയത്താണ് ആനയെ ചരിഞ്ഞ നിലയിൽ കണ്ടത്. കാട്ടാനകൾ തമ്മിൽ കുത്ത് ഉണ്ടായി പരിക്കുപറ്റിയതാണെന്നും ഇതാണ് മരണകാരണമെന്നുമാണ് നിഗമനം. കോന്നി നടുവത്തും മുഴി റെയിഞ്ച് ഫോറസ്റ്റ് ഉദ്യോഗസ്ഥരും, പാടം സ്റ്റേഷനിലെ ഉദ്യോഗസ്ഥരും വെറ്റിനറി സർജന്റെയും നേതൃത്വത്തിൽ പോസ്റ്റുമോർട്ടം നടപടികൾ പുരോഗമിക്കുകയാണ്. പോസ്റ്റുമോർട്ടം റിപ്പോർട്ട് വന്നാൽ ആന എങ്ങനെയാണ് ചരിഞ്ഞതെന്ന കാരണം കണ്ടെത്താന്‍ കഴിയും.
പത്തനംതിട്ടയിൽ കാട്ടാനയെ ചരിഞ്ഞ നിലയിൽ കണ്ടെത്തി
