ഹിന്ദു എന്ന വാക്കിന് അശ്ലീലമായ ഒരു അര്‍ത്ഥവും കൂടിയുണ്ടെന്ന് കർണാടകയിലെ ഉന്നത കോൺഗ്രസ് നേതാവ് സതീഷ് ലക്ഷ്മണറാവു ജാർക്കിഹോളി. ഹിന്ദു എന്ന വാക്കിന് അശ്ലീലമായ അർത്ഥമുണ്ടെന്നും അതിന്റെ ഉത്ഭവം ഇന്ത്യയിൽ അല്ലെന്നും സതീഷ് പറയുന്നു. ഞായറാഴ്ച ബെലഗാവി ജില്ലയിൽ ഒരു പരിപാടിക്കിടെയാണ് സതീഷ് വിവാദ പ്രസ്താവന നടത്തിയിരിക്കുന്നത്. ഹിന്ദുവെന്ന വാക്കിന് ഇന്ത്യയുമായി യാതൊരു ബന്ധവുമില്ല. പേഷ്യന്‍ വാക്കാണത്. ഈ വാക്ക് എവിടെ നിന്നാണ് ഉത്ഭവിച്ചതെന്ന് അറിയാൻ “വിക്കിപീഡിയ പരിശോധിക്കുക” എന്ന് അദ്ദേഹം സദസ്സിനോട് ആവശ്യപ്പെടുകയും ചെയ്തു. വിവാദ പ്രസംഗം സമൂഹമാധ്യമത്തില്‍ വൈറലായതോടെ , പ്രസംഗം ഹിന്ദുക്കൾക്ക് അപമാനവും പ്രകോപനവുമാണെന്ന് ബിജെപി ആരോപിച്ചു.
കർണാടക പ്രദേശ് കോൺഗ്രസ് കമ്മിറ്റിയുടെ വർക്കിംഗ് പ്രസിഡന്റാണ് ജാർക്കിഹോളി, മുൻ കോൺഗ്രസ് സർക്കാരിൽ വനം മന്ത്രിയായും പ്രവർത്തിച്ചിട്ടുണ്ട് ജാര്‍ക്കിഹോളി.
English Summary: The word Hindu has a vulgar meaning; Congress leader with controversial speech
You may also like this video
