ക്ഷേത്രത്തിലെ കഞ്ഞി തിളപ്പിക്കുന്ന കുട്ടകത്തില്‍ വീണ് യുവാവ് വെന്തുമരിച്ചു. തമിഴ്നാട്ടിലെ മധുരയിലാണ് സംഭവം. ആടിവേലി ആഘോഷത്തിന്റെ ഭാഗമായി ക്ഷേത്രത്തിലെത്തുന്ന ഭക്തര്‍ക്കായി ആളുകള്‍ കഞ്ഞി തയ്യാറാക്കുന്നതിനിടെ വലിയ കുട്ടകത്തിലേക്ക് യുവാവ് വീണത്. മുത്തുകുമാര്‍ എന്നയാളാണ് മരിച്ചത്. തിളച്ചുകൊണ്ടിരുന്ന കുട്ടികത്തിലേക്ക് വീണ മുത്തുകുമാറിന്റെ ശരീരത്തില്‍ 65 ശതമാനം പൊള്ളലേറ്റിരുന്നു. ഇയാളെ ഉടന്‍ തന്നെ ആശുപത്രിയില്‍ പ്രവേശിപ്പിച്ചെങ്കിലും ചികിത്സയ്ക്കിടെ മരിക്കുകയായിരുന്നു.
കഞ്ഞി പാകം ചെയ്യുന്നവരെ സഹായിക്കാനെത്തിയ ഇയാള്‍ തലകറങ്ങി കുട്ടകത്തിലേക്ക് വീഴുകയായിരുന്നു. ആളുകള്‍ ജീവന്‍ രക്ഷിക്കാന്‍ ശ്രമിച്ചെങ്കിലും പലര്‍ക്കും കഞ്ഞി കുട്ടകത്തില്‍ നിന്ന് പൊള്ളലേറ്റു. ഇയാളെ രാജാജി ആശുപത്രിയിലാണ് ചികിത്സയ്ക്കായി എത്തിച്ചത്. മിനിറ്റുകളോളം കുട്ടകത്തില്‍ വീണ് എഴുനേല്‍ക്കാന്‍ കഴിയാതെ വന്നതാണ് സാരമായി പൊള്ളലേല്‍ക്കാന്‍ കാരണമായത്. ജൂലൈ 29നാണ് അപകടമുണ്ടായത്.
English Summary:The young man was burnt to death who fall into porridge
You may also like this video
