ട്രെയിനില്‍ നിന്ന് പ്ലാറ്റ്ഫോമിലേക്ക് ചാടിയ യുവാവിന് ദാരുണാന്ത്യം. എളംകൂര്‍ ചെറാംകുത്തില്‍ മണലായിയിലെ കല്ലിങ്ങല്‍ മഹേഷാണ് (22) മരിച്ചത്. ഇന്നലെ പുലര്‍ച്ചെയാണ് തിരൂര്‍ റെയില്‍വേ സ്റ്റേഷനിലാണ് അപകടമുണ്ടായത്. പോത്തന്നൂരില്‍ നിന്ന് കയറി മഹേഷ് പോണ്ടിച്ചേരി-മംഗളൂരു എക്‌സ്പ്രസില്‍ കയറുന്നത്. വണ്ടി തിരൂരില്‍ നിര്‍ത്തിയത് അറിയാന്‍ വൈകിയതാണ് അപകടത്തിന് കാരണമായത്.
വണ്ടി പ്ലാറ്റ്ഫോമില്‍ നിന്ന് 4.58ന് പുറപ്പെട്ടപ്പോള്‍ മഹേഷ് ചാടിയിറങ്ങുകയായിരുന്നു. ഇതിനിടെയാണ് കാലുതെറ്റി ട്രെയ്നിനു അടിയില്‍ വീണത്. തിരുച്ചിറപ്പള്ളിയില്‍ എംആര്‍എഫ് കമ്പനിയില്‍ ഇലക്ട്രിക്കല്‍ സൂപ്പര്‍വൈസറാണ് മഹേഷ്. സത്യകുമാര്‍ സുനിത ദമ്പതികളുടെ മകനാണ്. സഹോദരി: മഞ്ജിത. സംസ്‌കാരം വീട്ടുവളപ്പില്‍ നടന്നു.
English Summary:The young man who jumped from the train died
You may also like this video
