രാജസ്ഥാനിലെ ബിക്കാനീറിൽ ദളിത് യുവതിയെ തട്ടിക്കൊണ്ടുപോയി കൂട്ടബലാത്സംഗം ചെയ്ത് കൊലപ്പെടുത്തിയ കേസിൽ രണ്ട് കോൺസ്റ്റബിൾമാർ ഉൾപ്പെടെ അഞ്ച് പേർക്കെതിരെ കേസെടുത്തു.
കമ്പ്യൂട്ടര്‍ കോച്ചിങ്ങിന് പോകുകയായിരുന്ന യുവതിയെയാണ് പൊലീസുകാര്‍ ഉള്‍പ്പെടെയുള്ള അഞ്ചുപേര്‍ ക്രൂരമായ ബലാത്സംഗത്തിനിരയാക്കിയത്. മുഖ്യപ്രതിയായ ദിനേശ് വിഷ്‌ണോയി കഴിഞ്ഞ 15 ദിവസമായി യുവതിയെ വേട്ടയാടുകയായിരുന്നുവെന്ന് യുവതിയുടെ കുടുംബം പറഞ്ഞു. ചൊവ്വാഴ്ച രാവിലെ ഖജുവാല പൊലീസ് സ്‌റ്റേഷനിലെ രണ്ട് കോൺസ്റ്റബിൾമാർക്കൊപ്പമാണ് ദിനേശ് യുവതിയെ കോച്ചിംഗ് സെന്ററിലെത്തിയപ്പോൾ തട്ടിക്കൊണ്ടുപോയത്. തുടർന്ന് അവർ യുവതിയെ ദിനേശിന്റെ വസതിയിൽ കൊണ്ടുപോയി കൂട്ടബലാത്സംഗം ചെയ്ത് കൊലപ്പെടുത്തി.
കൂട്ടബലാത്സംഗവും കൊലപാതകവും മറച്ചുവെക്കാനുള്ള ശ്രമത്തിൽ, പ്രതി അവളുടെ മൃതദേഹം ഖജുവാലയിലെ ഒരു സിനിമാ ഹാളിന് സമീപം സംസ്കരിച്ചുവെന്ന് യുവതിയുടെ പിതാവ് ആരോപിച്ചു. സംഭവത്തില്‍ ഭഗീരഥ് വിഷ്‌ണോയ്, മനോജ് വിഷ്‌ണോയ് എന്നീ രണ്ട് കോൺസ്റ്റബിൾമാരെ തിരിച്ചറിഞ്ഞു. ഇരുവരെയും സസ്പെൻഡ് ചെയ്തിട്ടുണ്ട്.
English Summary: The young woman was kidnapped and gang-raped to death; Policemen are among the accused
You may also like this video
