ഏറ്റുമാനൂര്‍ മഹാദേവ ക്ഷേത്രത്തിന്റെ മുകളിലൂടെ ഡ്രോണ്‍ പറത്തിയ യുവാവ് പിടിയില്‍.ഡ്രോണ്‍ ഉപയോഗിച്ച് വീഡിയോ പകര്‍ത്താന്‍ ശ്രമിച്ചയാള്‍ പൊലീസ് കസ്റ്റഡിയിലായത്. ഇന്ന് രാവിലെ എട്ടരയോടെയാണ് സംഭവം. 37കാരനായ ഏറ്റുമാനൂര്‍ മങ്കര കലുങ്ക് സ്വദേശി തോമസിനെയാണ് കസ്റ്റഡിയിലെടുത്തത്. യൂട്യൂബ് ചാനലിനു വേണ്ടിയാണ് ഡ്രോണ്‍ ഉപയോഗിച്ചതെന്ന് യുവാവ് പൊലീസിനോടു പറഞ്ഞു.
ദേവസ്വം അധികൃതര്‍ നടത്തിയ പരിശോധനയിലാണ് ഇയാള്‍ ഡ്രോണ്‍ പറത്തിയത് കണ്ടെത്തിയത്. ഇതോടെ ജീവനക്കാര്‍ തോമസിനെ തടഞ്ഞു വച്ച് പൊലീസില്‍ വിവരം അറിയിക്കുകയായിരുന്നു. തുടര്‍ന്ന് ഏറ്റുമാനൂര്‍ പൊലീസ് കസ്റ്റഡിയില്‍ എടുത്തു.
English Summary:The youth who flew the drone over the Ettumanoor temple has been taken into custody
You may also like this video
