ഇടപ്പള്ളിയില് കാണാതായ പതിമൂന്നുകാരനെ തൊടുപുഴയിൽ നിന്ന് കണ്ടെത്തി. മൂവാറ്റുപുഴ ബസില് ഒരു കുട്ടി കയറിപ്പോയെന്ന വിവരം പൊലീസിന് ലഭിച്ചത്. തുടർന്ന് ഇന്നലെ അര്ധരാത്രിയിലും മൂവാറ്റുപുഴയില് പൊലീസ് പരിശോധന നടത്തിയെങ്കിലും കുട്ടിയെ കണ്ടെത്താനായില്ല.
കടവന്ത്ര സ്വദേശിയായ എട്ടാം ക്ലാസ് വിദ്യാര്ഥിയെയാണ് ഇന്നലെ മുതല് കാണാതായത്. ഇന്ന് രാവിലെ തൊടുപുഴ ബസ് സ്റ്റാന്റില് കുട്ടിയെ കണ്ടെത്തിയത്. എട്ടാം ക്ലാസിലെ സേ പരീക്ഷ എഴുതിയ വിദ്യാർഥി പരീക്ഷാസമയം തീരുന്നതിന് മുമ്പ് സ്കൂളില് നിന്ന് ഇറങ്ങി പോവുകയായിരുന്നു.
നഗരത്തിലെ സിസിടിവി ദൃശ്യങ്ങള് കേന്ദ്രീകരിച്ചാണ് പൊലീസ് അന്വേഷണം ആരംഭിച്ചത്. സ്കൂളില് നിന്ന് കുട്ടി പുറത്ത് ഇറങ്ങുന്നതും ഇടപ്പള്ളി ലുലു മാളിന് സമീപത്തെ റോഡിലൂടെ നടന്നു പോകുന്നതിന്റെയും സിസിടിവി ദൃശ്യങ്ങള് പൊലീസിന് ലഭിച്ചിരുന്നു. പരീക്ഷ എഴുതാന് പോയ കുട്ടി ഉച്ചയായിട്ടും തിരികെ എത്താത്തതിനെ തുടര്ന്ന് മാതാപിതാക്കള് എളമക്കര പൊലീസില് പരാതി നല്കുകയായിരുന്നു.