ഇന്ത്യയില്‍ ജീവിക്കാന്‍ ഭയമുള്ളവര്‍ക്ക് അഫ്ഗാനിസ്ഥാനിലേക്ക് പോകാമെന്ന് ബിജെപി എംഎല്‍എ. ബിസ്ഫി മണ്ഡലത്തിലെ എംഎല്‍എ ആയ ഹരി ഭൂഷണ്‍ ഠാക്കൂറാണ് വിവാദ പരാമര്‍ശം നടത്തിയത്. ഇന്ത്യയെ ഭയക്കുന്ന, മോഡി സര്‍ക്കാരിനെ വിമര്‍ശിക്കുന്നവരും മതന്യൂപക്ഷങ്ങളും ഇന്ത്യ വിട്ട് പോകണമെന്നും ഹരി ഭൂഷണ്‍ പറഞ്ഞു. അഫ്ഗാനിസ്ഥാനിലെ പ്രതിസന്ധി ഒരിക്കലും ഇന്ത്യയെ ബാധിക്കില്ല. ഇന്ത്യയിലെ സ്ത്രീകള്‍ക്ക് അഫ്ഗാനിസ്ഥാനിലെക്കാള്‍ നല്ല സ്വാതന്ത്ര്യമാണ് ലഭിക്കുന്നതെന്നും ഹരി ഭൂഷണ്‍ കൂട്ടിച്ചേര്‍ത്തു. അവിടെയെത്തുമ്പോള്‍ ഇന്ത്യയുടെ വില അറിയാന്‍ കഴിയുമെന്നും ഹരി ഭൂഷണ്‍ പറഞ്ഞു. അഫ്ഗാനിസ്ഥാനില്‍ നിന്നുള്ള എല്ലാ അഭയാര്‍ത്ഥികള്‍ക്കും ആശ്രയം നല്‍കാമെന്നാണ് സര്‍ക്കാര്‍ പറഞ്ഞിരിക്കുന്നത്. ഒടുവില്‍ ഇന്ത്യ താലിബാനാകുമെന്നും ഹരി ഭൂഷണ്‍ പറയുന്നു. നേരത്തെ മോഡി സര്‍ക്കാരിനെ വിമര്‍ശിക്കുന്നവര്‍ പാകിസ്ഥാനില്‍ പോകണമെന്നാണ് ഇയാള്‍ പറഞ്ഞിരുന്നത്. പ്രത്യുല്പാദന നിരക്ക് മുസ്ലിങ്ങള്‍ കൂട്ടുന്നത് ഇന്ത്യയെ ഇസ്ലാമിക രാജ്യമാക്കാനെന്നുള്ള വിവാദ പരാമര്‍ശം നടത്തിയതും ഇദ്ദേഹമാണ്.
English Summary: those who scare in India should go to Afghanistan
You may like this video also
