വെളളിയാഴ്ച അന്തരിച്ച സിപിഐ കേന്ദ്ര സെക്രട്ടേറിയറ്റ് അംഗവും അഖിലേന്ത്യ കിസാൻ സഭ ജനറൽ സെക്രട്ടറിയുമായ അതുൽ കുമാർ അഞ്ജാന് ആയിരങ്ങളുടെ അന്ത്യാഞ്ജലി. ഇന്ന് രാവിലെ ഒമ്പതോടെ ഹൽവാസിയയിലെ (ഹസ്രത്ത്ഗഞ്ച്) വസതിയിലെത്തിച്ച മൃതദേഹത്തിൽ കുടുംബാംഗങ്ങളും ബന്ധുക്കളും നാട്ടുകാരും അന്ത്യോപചാരമർപ്പിച്ചു. തുടർന്ന് ലഖ്നൗവിൽ കൈസർബാഗിലെ സിപിഐ സംസ്ഥാന കൗൺസിൽ ഓഫിസിലെത്തിച്ച മൃതദേഹത്തിൽ പാർട്ടിയുടെ കേന്ദ്ര‑സംസ്ഥാന നേതാക്കളും ആയിരക്കണക്കിന് പ്രവർത്തകരും അന്ത്യോപചാരം നൽകി.
പാർട്ടി ജനറൽ സെക്രട്ടറി ഡി രാജ, കേന്ദ്ര സെക്രട്ടേറിയറ്റ് അംഗങ്ങളായ അമർജീത് കൗർ, പല്ലബ് സെൻ ഗുപ്ത, രാമകൃഷ്ണ പാണ്ഡ, എക്സിക്യൂട്ടീവ് അംഗങ്ങളായ ആനി രാജ, പി സന്തോഷ് കുമാർ എംപി, യുപി സംസ്ഥാന സെക്രട്ടറി ഗിരീഷ് ചന്ദ്ര ശർമ തുടങ്ങിയവർ അന്ത്യോപചാരമർപ്പിച്ചവരിൽ ഉൾപ്പെടും. തുടർന്ന് വിലാപയാത്രയായി കൊണ്ടുപോയ മൃതദേഹം നാലു മണിയോടെ സംസ്കരിച്ചു.
English Summary:Thousands pay tribute to Atul Kumar Anjan
You may also like this video
